Golfklúbbur Reykjavíkur fær viðurkenningu frá Hverfisráði Grafarholts og Úlfarsárdals

 

Á fundi hverfisráðs Grafarholts og Úlfarsárdals þann 27. maí sl. var samþykkt að veita viðurkenningar til fyrirtækja/félagasamtaka fyrir framúrskarandi þjónustu við íbúa, snyrtilegt nærumhverfi eða gott starf í þágu hverfisins. Einu fyrirtæki/félagasamtökum skal veitt viðurkenning ár hvert í Grafarholti og Úlfarsárdal.
Samþykkt var að veita Golfklúbbi Reykjavíkur viðurkenningu fyrir árið 2008

Óttarr Guðlaugsson formaður hverfisráðs Grafarholts og Úlfarsárdals afhenti forsvarsmönnum GR viðurkenninguna nú í morgun. Það voru Jón Pétur Jónsson formaður og Garðar Eydal framkvæmdastjóri sem veittu viðurkenningunni móttöku.

 

 

Sterakind

Spurning hvort einhver bóndi sé farinn að setja óhóflegt magn stera í kindurnar sínar?  Svona til þess að drýgja afurðina aðeins líkt og kjúklingabændur hafa gert með sínum aðferðum undanfarin ár....

Björninn væntanlega rolla

Achmed - Dauði hryðjuverkamaðurinn

Jeff Dunham er alveg hreint ótrúlega fyndinn búktalari og hér er hann á ferðinni með Achmed sem á að vera dauður hryðjuverkamaður.

Heppinn og gefðu þér tíma

Eru án efa þær auglýsingaherferðir sem hafa heppnast best af öllum þeim herferðum sem tryggingarfélögin hafa farið út í.  Það er hreinlega eitthvað við herferðirnar frá Vís sem fær mann til þess að hugsa og satt best að segja varð maður sorgmæddur þegar maður sá nýju auglýsinguna vegna þess hve átakalegt það er að sjá ungu telpuna bíða eftir móður sinni.  Þessi auglýsing ætti að vekja alla sem á hana horfa til umhugsunar um hve mikil ábyrgð það er að aka ökutæki.  Það er eftir allt fín lína á milli hláturs og grátur því það þarf í raun afar lítið að bregða útaf svo við séum sjálf í þessum sporum.

Verum því vakandi í umferðinni og gefum okkur tíma.

Ótrúlega brosmild fyrirsögn

Maður getur ekki annað en glott út í annað þegar maður les fyrirsögnina

" Ísbjörninn ekki í góðu ásigkomulagi" mætti ég benda á að bangsinn er dauður svo væntanlega ekki mjög líflegur lengur.

Reyndar fannst mér hugmyndin um að bjarga dýrinu spennandi og ég tala nú ekki um eftir höfðinglegt boð Björgólfs Thors að borga fyrir þann kostnað sem kæmi til ef hægt hefði verið að bjarga dýrinu og flytja það út.  En betra er að fórna því en að ákveða að taka óþarfa áhættu enda eru þetta stórhættulegir bangsar.

Ísbjörninn ekki í góðu ásigkomulagi

Neyðarástand á Sóleyjargötu

Það eins gott að forsetinn var ekki í húsinu þegar bjölluatið átti sér stað hver veit hvað gerst hefði, hann hefði hugsanlega orðið fyrir ónæði og þurft að fara til dyra þó það síðarnefnda verður að teljast afar ólíklegt þar sem ritarinn hefði eflaust tekið ómakið af honum.

Ætli allt tiltækt lið lögreglunar hafi farið af staðinn að taka bjölluhringjarann?

Bjölluat á forsetaskrifstofu

Fullt hús stiga

Hvað er til ráða?

Það er ekki nóg með að maðurinn hafi keyrt töluvert yfir löglegum hámarkshraða heldur var hann ölvaður og til þess að bæta gráu ofan á svart þá er hann einnig réttindalaus.

Er nema von að maður spyrji sjálfan sig hvað sé til ráða?  Ég geri ráð fyrir því að bifreiðin verði gerð upptæk og viðkomandi fái háa sekt, en er það nóg til þess að stöðva hann?

Ég held ekki, við svona hegðun þarf að liggja þung refsing sem kemur fólki í skilning um að við lýðum þetta ekki!

Ölvaður á 171 km hraða

Sólveig fékk nemenda og hvatningarverðlaun Menntaráðs

 

Ég var einn af þeim fjölmörgu sem átti leið í Ráðhús okkar reykvíkinga í dag.  Það var sannkölluð hátíð því veita átti nemenda- og hvatningarverðlaun Menntaráðs 2008. 

Stolt, ánægja og gleði skein af hverju andliti, ég veit hreinlega ekki hvort nemendur, foreldrar eða starfsmenn skóla voru hreyknari af verðlaununum nema þá einna helst að allir hafi verið jafn glaðir.  Það var einnig ánægjulegt að fylgjast með hve vel formaður menntaráðs fór með hlutverk dagsins og náði vel til gestanna.  Skemmtilega frjálslegur en hélt samt virðuleikanum, nokkuð sem ekki öllum er gefið.

En ég get svo sannarlega játað að ég ætlaði hreinlega að rifna úr stolti þegar nafn systur minnar var lesið upp.  Já Sólveig Þóra fékk nemenda og hvatningarverðlaun fyrir framúrskarandi árangur á sviði tónlistar.  Hún var tilnefnd af Öskjuhlíðarskóla en þar innan hús sem og í öllum öðrum skólum er erfitt að taka einn nemanda fram yfir annan því öll skara þau framúr hver á sínu sviði.  Sólveig hefur spilað á hljómborð í nokkur ár, komið fram á skólaskemmtunum svo hefur hún að sjálfssögðu spilað fyrir fjölskylduna ófá lög öllum til ánægju og yndisauka.

En eitt þótti mér athyglisvert, þrátt fyrir að þessi verðlaun snertu alla grunnskóla höfuðborgarinnar bæði starfsmenn, nemendur og foreldra þá var þeim ekki gerð góð skil af fjölmiðlum.  Mbl.is er eini fréttamiðillinn sem sagt hefur frá þessum glæsilega árangri hjá nemendum og grunnskólum borgarinnar.  Reyndar er ekkert myndefni frá afhentingunni en þeir sögðu þó frá henni það er meira en allir aðrir miðlar geta sagt.  Hver skildi ástæða þeirra vera?

Til hamingju öllsömul með glæsilegan árangur.

Nemendur og skólar fá viðurkenningu menntaráðs

Þráhyggja ráðherrans

Það er engu líkara en samgöngumálaráðherra sé haldinn einhverskonar þráhyggju fyrir því að koma á strandflutningum umhverfis landið. Veit ég vel að miklir fjármunir fara í að halda þjóðvegum landsins við og ef vel ætti að vera þyrftu sú tala að hækka, því víða um landið eru vegir afleiddir og ekki tekið mið af þeim fjölda ökutækja sem aka hann á degi hverjum.

Án þess að ég ætli að halda því fram að ég sé sérfræðingur í strandsiglingum þá tel ég þessa aðferð fullreynda hér.  Það er ekki langt síðan strandsiglingar voru á Vestfirði með skipinu Jaxlinn ef ég man rétt, þá voru uppi raddir fyrir vestan að það væri ekki hægt að notast við strandsiglingar því það tæki allt of langan tíma og flutningsgjaldið væri svipað.  Ekki er ég klár á því hvað þessar siglingar lifðu lengi en eitt er víst það var ekki lengi.

En að ríkið ætli aftur útí einhverskonar ríkisstyrktar strandsiglingar er ekki ásættanleg niðurstaða þar sem ríkið á einfaldlega ekki að styrkja eða starfa í samkeppnisumhverfi.

En það væri nú líka athyglisvert að vita hvað ráðherrann ætlar að gera með bættar samgöngur inn til höfuðborgarinnar og fróðlegt að vita hvaða leið hann kýs að fara í málefnum Sundabrautar og hvenær það á að hefjast handa við þær framkvæmdir.

 

Strandsiglingar skoðaðar

Flottur dagur

Ég fagna þeirri ákvörðun ríkisstjórnarinnar að gera einn dag á ári að degi barnsins.  Það er reyndar einkennilegt að það sé ekki löngu búið að setja þennan dag á því við höfum eins og við öll vitum höfum við mæðra- og feðradag og nú loks dag barnsins.

Fyrir mitt leyti þá fannst mér í raun gert furðu lítið úr þessum degi og ég hefði gjarnan viljað sjá hann betur "markaðssettan" t.d sagði mbl.is ekki frá þessum degi fyrr en kl. 17.07 í dag en hefðu í raun sem fjölmiðill átt að segja frá þessum degi strax í morgunn og með því kvatt foreldra til þess að gera eitthvað með börnum sínum.  Við fórum t.d í sund sem var í boði ÍTR og eftir að vera búin að svamla dágóða stund var að sjálfssögðu komið við í bakaríinu, enda tilheyrir að fá sér sér "íslenskan" snúð og kókómjólk eftir góðan sundsprett.  Þegar við vorum búin með kræsingarnar var ákveðið að taka bíltúr sem endaði að sjálfssögðu sem ísbíltúr þar sem sú stutta í bílnum fullyrti að hún hefði ekki fengið í "alveg svakalega lengi" sem í raun var bara fyrir helgi en tíminn er lengri að líða hjá þessum litlu en okkur hinum, allavega stundum.

Ákveðið var að frúin og eldri dóttirin færi að sjá FRAM leggja Þróttara í fótboltaleik dagsins á meðan ég og sú stutta ákváðum að vera heima og grilla.  Þegar við vorum búin að grilla og borða gómsæta hamborgara, sem í þetta skiptið voru án ostarins - þar sem sú stutta án allan ostinn á meðan hún var að bíða eftir hamborgaranum þá spiluðum við eitt spil og svo var kominn háttatími því erfiður leikskóladagur er á morgun hjá henni.

Sem sagt stórskemmtilegur dagur barnsins hér á þessu heimili og vonandi á sem flestum heimilum. 

Merki og hljómur dags barnsins