Eftirlýstur - ef þú sért hann vinsamlegast hringdu í lögregluna STRAX

Ég bara spyr ?  Ég heyrði eina undarlegustu tilkynningu sem ég hef heyrt lengi í morgunfréttum stöðvar 2 í morgun.  Hún hljóðaði eitthvað á þessa leið

" maðurinn er sem stal fartölvunni er á þrítugsaldri, dökkhærður, meðalhár og klæddur í dökka úlpu"

" þeir sem geta gefið upplýsingar vinsamlegast hafið samband við lögregluna"

Mér krossbrá!  Ég er á þrítugsaldri, dökkhærður, meðalhár og í dökkri úlpu en ég tók ekki fartölvuna, alveg satt!

Hvernig ætlar menn að þrengja leitarhringin með þessari yfirlýsingu???  Hvað skyldu vera margir sem eru svipaðir og þessi lýsing gefur til kynna bara á höfuðborgarsvæðinu??? 1000? 2000? 3000?

Nei, ég bara spyr! ?

"Verktakar"

Það er kannski ekki lengur orðinn spurning um að fara setja upp öryggiskerfi heima hjá sér, en það er nú frekar hart að þurfa verja heimili sitt með aðstoð öryggisfyrirtækis.  Skyldu þeir vera með þessa innbrotsþjófa á "verktakagreiðslum" því ég er viss um að þeir fara núna í stífar auglýsingaherferðir     Nei ég segi nú bara svona !

Innbrotahrina á höfuðborgarsvæðinu

Er rektor HÍ menntahrokatittur !! ?

Það er óhætt að segja að "nýji" borgarstjórinn okkar hann Vilhjálmur Þ. sé búinn að taka Breiðholtið og Mjóddina undir sinn verndarvæng.  Ég get vart lýst ánægju minni yfir því hvernig Vilhjálmur hefur stígið fram og sagt "hingað og ekki lengra, fólkið vill ekki spilavítið í Mjóddina".  Ég get hreinlega ekki áttað mig á því hversu blindur háskólarektor getur verið og hve hann telur íbúa landsins vera vitlausa.  Hvernig dettur honum í hug að fólk átti sig ekki á því að Háskóli Íslands sú annars merka stofnun standi á bakvið þessi spilavíti sem risið hafa í borginni á undanförnum árum í óþökk flestra.  Ef spilakassar eru svona vinsælir háttvirtur háskóla rekstor og eiga að þínu mati rétt á sér allstaðar þar sem þín skoðun er "þeir veita svo mikla ánægju" af hverju er ekki spilakassi í einni einustu háskólabyggingu ?  Nóg er plássið til að mynda í anddyri háskólans nú eða í húsnæði Félagsstofnunnar stúdenta ?  Ég skora á rektorinn að vera ekki svona tvísaga og setja upp lítil spilakassa í allar háskólabyggingarnar og það strax í dag, enda hafa allir svo mikla ánægju af þessu að þinni sögn.

Ég skora á þig lesandi góður að senda rektor háskólans skeyti ef þú ert á móti þessum spilavítum og aðstoðir okkur Breiðhyltingana að stöðva yfirgang Háskólans, netfangið er [e-mail] .

Við Vilhjálm borgarstjóra þá segi ég, haltu áfram á góðri braut og hjálpaðu meirihluta Breiðhyltinga að stoppa opnun spilavítis í Mjóddinni þar sem það á klárlega ekki heima.  Jafnframt vil ég þakka borgarstjóranum fyrir að koma Breiðholtinu aftur á kortið í augum borgarkerfisins þar sem það gleymdist í tíð gamla meirihlutans (Samfylkingar, Framsóknar og Vinstri grænna).

Erfið ákvörðun og það helst í morgunsárið !

Eins og einhver sagði “dagurinn í dag er dagurinn sem ég hef verið að bíða eftir” eða er það svo, ég veit það ekki, því í dag þarf ég að taka mikilvæga en ekki síður erfiða ákvörðun sem ég kemst ekki hjá að taka og því fyrr sem ég tek hana því betra.  En eitt er víst alveg eins og ég sit hér við tölvuna, ég verð að taka ákvörðunina í dag og það helst fyrir hádegi!

Hefði þurft að taka hana í gær en hugsaði bara en tók ekki af skarið.  Sem er nú þó svo ég segi sjálfur frá nokkuð ólíkt mér þar sem ég er oftast nær fljótur að taka ákvarðanir og er nokkuð fastur fyrir.  Svo les maður á mbl að skyndiákvarðanir séu bestar og þá spyr ég er ég þá að taka ranga ákvörðun af því ég hef hugsað hana í rúmlega 90 klukkustundir!  Ég bara spyr!

Húrra fyrir Stebba löggu

Hann Stefán lögreglustjóri er að skora feitt um þessar mundir.  Hann virðist ætla sanna fyrir okkur öllum að hann er maður sem stendur við það sem hann segir.  Hann á þessum fáu dögum sem hann hefur verið lögreglustjóri Höfuðborgarsvæðisins þá hefur sést meira til hans heldur en forvera hans Böðvas Braga lögreglustjóra reyndar "bara" í Reykjavík.  Stefán hefur farið víða um höfuðborgarsvæðið, er kominn á merktan bíl skikkar alla lögreglumenn inni sem úti menn í lögreglubúninga og er nú með nýtt útspil sem er kynning á hinni nýju lögreglu Höfuðborgarsvæðisins.

 TIL HAMINGJU STEFÁN með stuttan en glæsilegt upphaf !

 

Kíkið endilega á kynninguna hún er mjög nýmóðins http://www.logreglan.is/nyttembaetti/

Dómsmálaráðherra vígði kynningarsíðu um nýtt lögregluembætti á höfuðborgarsvæðinu.

Heinz Chili Sósa

Nú er bara að hafa Heinz Chili sósu eða Heinz Hot Chili sósu með öllum mat.  Bragðgóð og holl sósa.

Chili sagt vinna gegn krabbameini

*SKÁL*

Einhvern vegin var ég viss um að þetta væri kýr skýrt í lögunum , eftir einn ei aki neinn eða eitthvað í þá veruna.  Blessaður maðurinn hefði getað beðið einhvern um að færa bílinn fyrir sig og það jafnvel lögregluna, hún hefði örugglega bakkað þessa "örfáu" metra sem um var að ræða!

Bakkaði hálfa bíllengd og missti bílprófið

FORD - This program has performed an illegal operation and must be shut down

eða This Program Has Caused a Fatal Exception 0D at 00457:000040B1 and Will Be Terminated

og hvað gerir maður þá á 90km hraða á Reykjanesbraut ?  Nei, ég bara spyr

Microsoft-hugbúnaður fyrir Ford-bíla kynntur til leiks

Svindl

Nei kannski ekki, nema ef ske kynni að það ætti að verðlauna Icelandair fyrir stundvísi í flugi  sem þeir verður örugglega seint verðlaunaðir fyrir.

Icelandair útnefnt til vefverðlauna

Nói Sær - Þarf þína aðstoð

Ég vil vekja athygli á því að söfnun er hafin fyrir Nóa Sær Ásgeirsson sem er aðeins 8 ára snáði og hefur þurft að þola meiri þjáningar en mörg okkar munu einhvertíman þurfa að glíma við. 

Hann slasaðist mikið í hörðum árekstri á Suðurlandsvegi þann 2 desember s.l þar sem Svandís Þula litla systir hans lést langt fyrir aldur fram aðeins 5 ára gömul.

Það er hafin sala á geisladisk sem góðhjartað fólk gaf alla sína vinnu til þess að ágóðinn mætti allur renna til hugrakka drengsins sem berst nú fyrir því að ná heilsu og ná að vinna sig eins mikið úr þeim alvarlegu afleiðingum slysins eins og kostur er. 

Ég hvet ykkur öllsömul til þess að kaupa geisladiskinn " Svandís Þula minning " sem er til sölu á www.frostid.is þetta er fallegur diskur með hugljúfri tónlist.