Sólríkur dagur og grafarholtslogn

Það er óhætt að segja að hér í Grafargholtinu hafi verið frábært veður líkt og annarsstaðar í höfuðborginni.  Sumar fínar ungar dömur viltu bara hafa það kósý á og borða popp úr glasi meðan aðrar vildu fínar dömur voru í einhverskonar innbúsfluttningum.

  

Nýtt ríki

Til hamingju nýju eyjuna.   Það eitt að hafa marga staði þar sem fólk getur komið skoðunum sínum á framfæri er bara til góðs.  En spurning hvort þetta kalli ekki á að sumir bloggarar sem eru kannski ögn athyglissjúkari en aðrir verði með blogg á báðum stöðum með sama innihaldinu?

 

Nýr fjölmiðill tekur til starfa

Nýr 1000 króna seðill í umferð 1. júlí n.k

Jæja þá er búið að opinbera nýja eitt þúsund króna seðillinn sem tekinn verður í umferð 1 júlí n.k.

Þeir sem eiga gamla þúsundkalla geta farið í banka frá og með næstu mánaðarmótum og fengið gamla seðlinum skipt út fyrir þann nýja.

 Sýnishorn

Áskorun - Alfreð áfram - allir að taka þátt !

´

Það er hreinlega spurning hvort það ætti ekki að koma af stað áskorun þess efnis að fá Alfreð til þess að taka að sér fótboltaliðið líka.  En að öllu gríni slepptu þá hvet ég alla til þess að skrifa nafnið sitt við þess áskorun.  Þið komist á síðuna með því að smella hér eða á myndina hér fyrir ofan.

Hvað kemur þeim þetta við !

 

Það hlítur að vera mál stjórnenda alþjóðaleika ungmenna hvort fána Taívans sé flaggað eða ekki.  Alveg ótrúleg árátta hjá þessari litlu Kínaþjóð að vera eyða tíma sínum í þetta.

Bara svo það sé á hreinu, þá ráða litlu kínverjarnir ekki á ritstjórnarfundum hér á otti.blog.is svo ákveðið var einróma á ritstjórnarfundi nú í kvöld að flagga fána Taívans - ungliðunum til stuðnings og heilla í alþjóðaleikunum.  Vonandi gengur þeim vel (bara ekki eins vel og okkar fólki)..

Mótmæla því að fána Taívans sé flaggað

Heimsborgari á íslenskum mælikvarða

Hann Hafsteinn Hafsteinsson er sannkallaður heimsborgari á íslenskan mælikvarða.  Hann ferðast um landið álíka oft og reykvíkingar aka niður Laugarveginn eða rölta um Kringluna.  Það er óhætt að segja að hann hafi lent í mörgum ævintýrum á ferðum sínum og ósjaldan komist í hann krappann. 

Ég hef nú búið til tengil á bloggsíðuna hans hér til hliðar og hvet ég ykkur til þess að skoða bloggið hjá honum.

98%

Þá eru niðurstöður í skoðanakönnuninni sem verið hefur uppi í nokkra daga orðinn ljós

Spurt var "ertu með ADSL tengingu heima hjá þér?"

98% sögðu - JÁ

2% sögðu - NEI

Ef einhver skyldi hafa efast um það þá eru íslendingar upp til hópa tæknisinnaðir.

Frábær dagur í Grafarholti

 

Eftir vinnu í dag þá var ekki annað hægt en að rölta um Grafarholtið, það var sannkallað Spánarveður hér - eins og ALLTAF

 

Vinur hennar Hafdísar fékk að koma með og ég er nokkuð viss um að þau hafi farið a.m.k. tvöfaldan hring á við okkur þar sem það var hjólað fram og til baka - mikil keppni þar í gangi

  Sú litla hún Emma Brá greip hvert tækifærið til þess að blása og blása og blása.  Það er hreint ótrúlegt hve öflug sú litla er. Það var ekki nóg með að hún blés nánast á allar fífur í hverfinu heldur labbaði hún nánast allan hringinn sjálf - Því ekki vildi hún vera í kerrunni.

P.S. Ég hef sett upp nýtt myndaalbúm - sumarið 2007, í það albúm mun ég setja inn myndir sem ég tek í sumar af allt og öllum - fólki sem ég þekki og þekki ekki.

Hækka bílprófsaldurinn?

Ég veit ekki hvort það sé svarið að hækka bílprófsaldurinn því svo virðist vera að fólk á öllum aldri sé að haga sér einkennilega í umferðinni, líkt og mótorhjóla tilfellinn sanna s.l. daga og ekki veit maður á hvað aldri þessir blessuðu ökumenn voru sem ákváðu að ryðja veginn fyrir sjúkrabílinn og vera í einhverskonar "for"forgangsakstri.  Þetta er auðvitað ekki í lagi.  Það er bara spurningin hvað er til ráða?  Ég veit að maður hefur verið að spyrja að þessari spurningu ansi oft undanfarnar vikur og mánuði þar sem hraðakstur almennt er að verða stórt vandamál bæði hér í borginni sem og úti á þjóðvegum landsins.

Spurning hvort tryggingafélög gætu komið meira inn í þessi mál t.d með því að veita viðskiptavinum sínum afslátt ef þeir hafa ekki verið teknir fyrir of hraðan akstur á árinu.  Það gefur augaleið að ökumaður sem ekur ekki eftir aðstæðum er klárlega líklegri til þess að valda slysi á sér og öðrum þegar hann fer ekki eftir t.d. hámarkshraða sem er heldur ekki alltaf æskilegur hraði - því þótt það standi 90 á skilti þá geta aðstæður á veginum eða umhverfinu verið á þann veg að ekki er æskilegt að aka á löglegum hámarkshraða !  Tryggingafélögin gætu því hugsanlega hagnast á þessu til lengri tíma litið í fækkun slysa.

Einnig vil ég nota tækifærið og hrósa sýslumanninum á Selfossi honum Ólafi fyrir það að ætla gera kröfu í mótorhjólin sem óku á "drápshraða" fyrir nokkrum dögum síðan - það er mikilvægt að láta reyna á þessi lög - ekki það að ég efast ekki um það að dómarinn taki vel í þessi mál - annað væri bara einfaldlega ekki eðlilegt! 

Ég kastaði fram spurningum hér áður á blogginu um það hvað gerist þegar viðkomandi er með bílalán á ökutækinu, verður þetta ekki eins og stöðumælabrot - þ.e fer framfyrir veðið sem á ökutækinu hvílir og verður forgangskrafa - annað væri fásinna að mínu mati.

Tóku fram úr sjúkrabíl í forgangsakstri

Frábær árangur

Hrakspár einstakra veitingamanna (man reyndar ekki eftir nema einum eða tveimur) hafa nú þaggaðar niður og hrakspár þeirra hafa síður en svo ræst.  Veitingamenn virðast hinsvegar vera sammála um það að fleirri ánægðir viðskiptavinir séu á stöðunum nú en áður.  Enda ekkert skrítið þar sem fólk hefur ekki á tilfinningunni að það sitji í öskubakka í hvert skipti sem það fer á kaffihús, veitingastað eða skemmtistað.

Enn og aftur óska ég öllum til hamingju með þennan glæsilega árangur !

Aðsókn óbreytt þrátt fyrir reykingabann