æ æ æ

Ég steingleymdi að setja inn svona klausu í nýja ráðningasamningnum hjá mér - hvernig gat maður klikkað á þessu, maður ætti kannski að hugleiða að vera með umboðsmann þegar og ef maður sækir um vinnu aftur

En engu að síður glæsilegt hjá þeim feðgum að hafa sett þetta inn, strákurinn stendur sig eins og hetja.

Vill tífalda kauphækkun

Heppni að það var ekki hús sem var að brenna

Mikil heppni að þeir voru að fara slökkva í mosa en ekki í brennandi húsi þar sem fólk hefði getað verið í hættu.  Hvað gengur stjórnvöldum til að tefla með líf fólks svona, er ekki lágmark að varnir bæjarfélaganna séu í það minnsta gangfærar.

Þessu þarf að kippa í liðinn og það sem fyrst.

Slökkvibíllinn á Kirkjubæjarklaustri gafst upp

Sælan í Borgarfirðinum

Þá er maður kominn heim úr velheppnaðri sumarbústaðarferð í Borgarfjörðinn.  Það er alltaf jafn notalegt að komast í bústað á einum fallegasta stað landsins.  Við hjónin fórum með krakkana ásamt því að mamma og Sólveig systir ásamt Þórir bróðir komu líka með.  Sem sagt fjölmennt í sveitinni.

Veðrið var eins og best verður á kosið nema hvað ég kann alltaf betur við að hafa ekki of heit, þið vitið hvernig þetta er það er erfitt að gera öllum til geðs.  En hitinn var í gær 19 gráður en fór alveg upp í 25 gráður í forsælu í dag.  Þetta er því sannkallað spánarveður og ekki leiðinlegt að hafa heitan eða öllu heldur kaldan pott til þess að kæla sig niður í.

En eins og allt þá taka sæludagarnir enda og maður þarf að mæta til vinnu aftur - ekki að það sé neitt leiðinlegt

 

... eða var þetta kannski bara Pik Nik staukur ?

Þetta er frekar sérstök fyrirsögn á frétt

"Hugsanleg bílsprengja gerð óvirk í miðborg Lundúna" 

Hvernig getur þetta verið hugsanleg bílsprengja?  Ef sprengja er gerð óvirk í bíl er hún þá ekki bílsprengja??  Eða er það einhverskonar vendað vörumerki sem ekki allir mega nota eða vantaði EURO merkið svo það mætti kalla þetta bílsprengju?

Væntanlega ef þetta er sprengja sem var í bíl þá bara hlýtur þetta að hafa verið bílsprengja eða var þetta bara saklaus Pik Nik staukur?

 

En burst sé frá öllum fyrirsögnum þá sem betur fer náði lögreglan að gera þennan hlut óvirkan.

Hugsanleg bílsprengja gerð óvirk í miðborg Lundúna

The Wall - stórmagnaðir tónleikar hjá Sinfó og Dúndurfréttum.

Fór með Þórir bróðir á tónleikana með Sinfóníuhljómsveit Íslands í kvöld.  Þessir tónleikar heita því frumlega nafni The Wall þar sem leikin var tónlist Pink Floyd.

Hljómsveitarstjóri:	Bernharður Wilkinson
Hljómsveit:	Dúndurfréttir
Kór:	Kór Kársnesskóla
Kórstjóri:	Þórunn Björnsdóttir
Höfundur	Verk
Roger Waters:	The Wall

Það er óhætt að segja að þessir tónleikar voru stórmagnaðir og það var gaman að sjá strákana í Dúndurfréttum þá Matthías, Pétur, Ólaf, Ingimund, Einar og Karl fara á kostum með heilli Sinfóníuhljómsveit og skólakórs Kásness. 

Ég held ég geti fullyrt að það var enginn svikinn af þessum tónleikum, því eftir að dagskránni lauk ætlaði fagnaðarlátunum aldrei að linna - fólk bæði klappaði, stappaði og hrópaði af gleði.

Til hamingju með stórglæsilega tónleika.

Mikil ferðahelgi framundan

Þar sem mikil ferðahelgi er framundan þá er nú ekki vanþörf á að sjá eina bestu forvarnarauglýsingu allra tíma.  Ég myndi gjarnan vilja sjá þessa auglýsingu keyrða aftur í sjónvarpi þar sem ég tel fáar eða engar auglýsingar í þessum flokki hafi skilað eins miklum árangri og þessi gerði.  Orðið Heppinn fékk á þessum tíma nýja merkingu.

Til hvers?

Sé engan aðra þörf á þessari brottvikningu en að reyna vinna einhverskonar markaðsvinnu og einkennast svolítið af sýndarmennsku.

É skil ekki að það þurfi að víkja manninum úr samtökunum og skil reyndar ekki hvað á að vinnast með því.  Ég hefði haldið að betra væri að beita áhrifum innan samtakanna og hvetja alla félagsmenn til þess að fara eftir lögum fremur en að henda þeim út sem hafa brotið lögin.  Skilin geta verið óljós hvenær á að reka menn á dyr og hvenær ekki. 

Ég hef verið talsmaður harðra aðgerða gegn hraðakstri hvort heldur sem er mótorhjóla eða bíla og hef fangað nýrri gjaldtöku sem felur í sér eignatöku við endurtekin brotavilja eða ef um ofsaakstur hefur verið að ræða.

 

 

Fyrrum formanni Sniglanna vikið úr samtökunum

Ja hérna hér

Ég segi nú ekki meira.  Er þetta sami Hrannar Björn sem reykvíkingar höfnuðu með afgerandi hætti hér um árið þegar hann sló öll met útstrikana?  Var þetta virkilega eini Samfylkingarmaðurinn sem var á lausu til þess að gegna starfi aðstoðamanns félagsmálaráðherra?  Eða er Samfylkingin hugsanlega að greiða fyrir verk hans á sínum tíma bæði fórnina sem og undirbúningsvinnu við stofnun R-listans sem svo aftur gleymdi að hugsa um reykvíkinga á meðan þeir fóru með meirihlutann í borginni.

Hrannar Björn aðstoðarmaður Jóhönnu

Hvað er málið

Enn eitt málið í æsifréttastíl hjá fréttastofu Stöðvar 2.  Mér hefur fundist eftir að núverandi fréttastjóri Stöðvar 2 tók við kyndlinum hafi traust til fréttastofunnar dvínað.  Enda er varla flutt frétt lengur á stöðinni án þess að búið sé að klæða hana einhverjum æsifréttastíl.  Sem er einfaldlega leiðinlegur og ekki trúverðugur fréttaflutnignur.

Ég hreinlega skil ekki þessa umræðu um líkflutninga með flutningafyrirtækjunum hér á landi. 

Einhvernvegin þarf nú að flytja blessað fólkið á milli landshluta þ.e ef það á yfir höfuð að jarðsetja það annarsstaðar en það andaðist.  Það er ekki eins og líkamarnir komist í snertingu við matvæli enda allt saman vel innpakkað hvort heldur sem líkin eða matvælin.

 

Samskip segjast fylgja nákvæmlega reglum um líkflutninga

Með íslenskt blóð í æðum

Það er spurning hvort það þurfi yfir höfuð að taka það fram að þarna hafi útlendingur verið á ferðinni.  Ég get ekki betur séð en að hann sé bara farinn að læra nokkuð vel á umferðarmenninguna hér á klakanum þar sem menn og konur virðast kappakosta við að komast á sem allra skemmstum tíma á milli staða.  En er ekki óhætt að segja í þessu tilfelli að allt er þegar þrennt er og fullreynt í fjórða.  Spurning hvað hefði gerst ef hann hefði ekki verið færður á lögreglustöðina, hefði hann náð til Akureyrar (gefum okkur að hann hafi verið á leiðinni þangað) án þess að vera stoppaður fjórum sinnum ?  Hver veit !?

Ók tvisvar í gegnum radarmælingu lögreglu á of miklum hraða