Leita í fréttum mbl.is

Bloggfærslur mánaðarins, október 2007

Þá er það komið á hreint !

Það verður seint hægt að segja um mig að ég lifi lífinu eftir stjörnuspám en ég hef gaman af því að lesa þær í blöðunum eins og aðrir, ég rak augun í stjörnuspánna í dag og gat ekki annað en brosað út í annað.  Ég hef stundum fengið þá gagnrýni á mig að segja hlutina umbúðalaust og komst svo að því núna að það er bara sjarmi en ekki ókostur

HrúturHrútur: Á meðan þú sérð fegurðina í kringum þig, sjá aðrir fegurðina í þér. Þú gerir hlutina ekki til að geðjast öðrum, og það er hluti af sjarmanum.

Ég hef reyndar alltaf haldið því fram að maður á að vera maður sjálfur en ekki leika einhvern sem þú telur að aðrir vilji sjá - slík leikrit hafa það sameiginlegt að fá lélega dóma í lokinn og endast því ílla..... nema þá einna helst hjá ónefndum borgarfulltrúa í litlum flokk.


Aumingjaskapur

Hverskonar aumingi getur þessi ökumaður verið.  Held að menn geti ekki fallið neðar í þjóðfélagsþrepinu en þetta.  Að keyra í burtu af slysstað er algjörlega ófyrirgefanlegt. 

 


mbl.is Stakk af frá slysstað eftir árekstur
Tilkynna um óviðeigandi tengingu við frétt

Tja ekki skal ég fullyrða hvort þetta sé rétt

Í Blaðinu eða 23 tímum í dag er viðtal við Vigni leigubifreiðastjóra sem fór á námskeið í FBI tækni og ég gat ekki annað en brosað út í annað þegar ég las

"Vignir segir hægt er að treysta leigubílstjórum fyrir áhyggjum.  "Það sem gerist í leigubíl er trúnaðarmál á milli leigubílstjóra og kúnna"

Þrátt fyrir að ég þekki Vigni af góðu einu saman þá held ég að þetta sé full mikil bjartsýni.  Man reyndar ekki betur en að fyrir einhvern jólin hafi komið út bók með leigubílasögum.  Hinsvegar held ég þó að það sé ekki kannski sagt frá kúnnunum sem slíkum en hugsanlega er sagt frá góðri sögu.... Kannski er bara frasinn góði notaður "Björn Ingi sagði"...... sem kemur væntanlega í staðinn fyrir að "ólygin sagði".


4 borgarstjórar í Reykjavík - dýrt spaug

Ég get nú ekki leynt vonbrigðum mínum með stöðu mála í borginni í dag.  Staðan er skelfileg fyrir borgarbúa höfuðborgarinnar.  Loksins þegar búið var að koma skikk á fjármálin borgarinnar þá stefnir allt í voða aftur.   

Það verður gott að búa í Reykjavík, þegar 4 borgarstjórar komast í stólinn á þriðjudaginn með tilheyrandi kostnaði.  Spurningin verður kannski fyrst og fremst sú, hver verður aðal borgarstjóri og verður Alfreð kallaður inn aftur sem "litli" borgarstjórinn ? 

Verður sama uppá teningnum þegar óskað verður eftir oddvita meirihluta úr boginni í Kastljós að þá neita allir að koma nema þau fái öll að koma, líkt og gerðist um daginn?

Það verður merkilegt að fylgjast með breytingunum á næstu dögum og vikum. 

Bæði leikskóla- og grunnskólakennarar fá fullkomna leiðréttingu sinna mála og hækka laun þeirra um 100% líkt og Vinstri grænir hafa ítrekað óskað eftir að gert sé.

Flugvöllurinn fer úr mýrinni og byggð verða hús á því svæði.

Einbýlishúsalóðir lækka um að lágmarki 5 milljónir líkt og Samfylkingin hefur lofað.

Það verður gjaldfrjálst að borða í grunnskólum borgarinnar að beiðni Vinstri Grænna.

það verður frítt í strætó fyrir alla eins og Vinstri grænir vilja.

Innfluttningur hefst aftur á Risarækjueldi á vegum OR.

Öll frístundaheimili borgarinnar verða mönnuð fyrir næstu helgi, biðlistar heyra brátt sögunni til.

Byggð verður brú í stað ganga yfir sundin, enda mun fallega að skreyta með jólaljósum brú en neðanjarðar líkt og Stefán Jón sagði.

Hætt verður við frekari áform um að byggja þjónustuíbúðir fyrir aldraða sérstaklega í ljós þess að þetta ágæta fólk byggði ekki 1 þjónustuíbúð á s.l. 12 árum!

Stórlega verður dregið úr þjónustu við einkabílinn og samgöngur í Reykjavík.

Við þennan lestur sjá allir að það verður frábært að búa í Reykjavík en spurningin er bara hver á að greiða brúsann....?


Það er hægt að sækja sér ýmsan fróðleik á netinu :-)

Fyrir þau okkar sem viljum vita staðreyndirnar þá getur oft verið gaman að vafra um netið í leit af staðreindunum.

Ég komst til dæmis að því núna að ég er ekki sá eini sem á afmæli 25 mars LoL

Því við erum alls 765 sem eigum afmæli þennan dag og það sem meira er þá erum við 8 sem erum jafn gömul og fæddumst á þessum merka degi árið 1975.  

Það má einnig til gamans segja frá því að 1 október s.l. vorum við orðin 312.851 nú og svo var VNV í sept. 276,7 

Þennan fróðleik ásamt ýmsum öðrum fróðleik er hægt að nálgast á heimasíðu Hagstofunnar


Gullkálfur til sölu

Er ekki spurning um að brjóta sparigrísina og fjárfesta í gullkálfinum?  Það verður spennandi að sjá hver kaupir, skyldi AO skila inn tilboði, þeir geta þá verið með sömu verðum og allir aðrir með góðri samvisku Wink  Eins getur verið fín hagræðing að sameina þessi fyrirtæki í eitt þá þarf ekki nema einn bíl til þess að halda samráðsfundina Wink

Vísir, 08. okt. 2007 16:39

Glitnir selur Skeljung fyrir Fons

mynd

Glitnir hefur tekið að sér að selja og sölutryggja olíufélagið Skeljung fyrir Uppsprettu, félag í eigu Fons.

Eftir því sem segir í tilkynningu frá félögunum er samkomulag þeirra gert með fyrirvara um áreiðanleikakönnun sem gerð verður á næstu vikum. Í framhaldinu ætlar Glitnir svo að ræða við áhugasama fjárfesta.

Skeljungur á að baki nærri 80 ára sögu en félagið rekur um 100 verslanir og þjónustustöðvar undir merkjum Shell um allt land. Auk þess rekur félagið Bensínorkuna á um 20 stöðum um allt land. Skeljungur keypti enn fremur rekstur Shell í Færeyjum fyrr á árinu og stefnir á frekari útrás.


Stórtækir ameríkanar

Ég veit til þess að það eru notuð stór vinnutæki uppi á Kárahnjúkum, en er einhver svona trukkur þar??

monster%20truck%20on%20trucks

eða er þetta bara dæmi um hve stórtækir ameríkanar eru?


Ódýr merkjavara á netinu

Já það eru til staðir sem maður getur keypt merkjavöru í - svona fyrir þá sem vilja.

Hér er t.d ein verslun á netinu Mainline Menswear .


4 rútur lagðar af stað í haustferð Varðar

Það er alveg með ólíkindum hvað hægt er að gera með nýjustu tækni frá Símanum.  Þessa stundina bloggar maður bara þegar maður er á leiðinni út úr bænum, er hægt að hafa þetta betra?

Nú erum við lögð af stað í haustferð Varðar.  Þátttakana er stórglæsilegt því við erum í með góða rútulest, 4 rútur frá GJ.  Það er óhætt að segja að veðuröflin séu flokknum hliðholl miðað við þá veðurblíðu sem er í dag, það er nánast að maður verði bara orðlaus yfir því að það skuli ekki rigna í dag eins og undanfarnar vikur. 

Förinni að þessu sinni er heitið í Reykholt í Borgarfirði, gamla skólann minn, þar sem sr. Geir Waage tekur mun taka á móti okkur og fara yfir sögu staðarins.  Þegar við verðum búin að skoða Reykholt verður komið við í Andakílsárvirkjun og hún skoðuð.  Geir Haarde, Vilhjálmur borgarstjóri, Marta Guðjónsdóttir formaður Varaðar, Dögg Pálsdóttir alþingismaður og Emil í stjórn sjálfstæðismanna í Grafarvogi eru leiðsögumenn ferðarinnar og maður er svo sannarlega ekki svikinn af því að fá einhvern fróðleik frá þeim.

Sem sagt stórglæsilegur dagur í góðra vina hóp.


Áríðandi yfirlýsing

Það er enginn maður með mönnum nema senda frá sér yfirlýsingu svo hér kemur ein frá mér.

„Að gefnu tilefni vil ég undirritaður, Óttarr Guðlaugsson á Mogga blogginu, taka fram að hann er ekki á nokkurn hátt tengdur tónlistamanninum Óttari Proppe og tónlistamaðurinn og tónlist hans er mér algerlega óviðkomandi.

Virðingarfyllst, Óttarr Guðlaugsson."


mbl.is Yfirlýsing frá Ragnari Axelssyni ljósmyndara
Tilkynna um óviðeigandi tengingu við frétt

« Fyrri síða | Næsta síða »

Höfundur

Óttarr Makuch
Óttarr Makuch

ottarr@centrum.is

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband