"Klassískur" atvinnumótmælandi

Það er alveg ótrúlega mikið gert úr þessu, þe. að þessi einstaklingur hafi fyrst verið handtekinn og nú að honum hafi verið sleppt.  Það getur nú ekki þótt merkilegt að flagga saklausum fána á alþingishúsinu og ekki þykir nú þessi einstaklingur merkilegur fyrir það eitt að hafa flaggað honum. 

Miðað við fréttirnar er þessi aðili einn af þessum "klassísku" atvinnumótmælendum sem virðast ekki hafa neitt fyrir stafni annað en að mótmæla og virðist í raun eini tilgangur hans vera að komast í fréttirnar.  Sem honum hefur svo sannarlega tekist núna að gera.

 

 

 

Fanganum sleppt

Athugasemdir

[Óttarr Makuch, 23.11.2008 kl. 11:42]

Já það er grátlegt að sjá Álfheiði frænku blanda sér í mótmælin með eins afgerandi hætti og hún hefur nú gert.  Að mínu mati eiga þingmenn ekki að kynda undir þá ólgu sem nú er í samfélaginu.  Að mínu mati finnst mér það í hæsta móti óeðlilegt að stjórnmálaafl skuli standa að mótmælum sem þessu bæði þeim sem er á Austurvelli sem og þarna við lögreglustöðina.  Merkilegt að fólk skuli vilja að sá einstaklingur sem var þar á ferð eigi að vera hafinn yfir lög og reglur.

Reyndar þótti mér viðbrögð mannsins í Fréttablaðinu frekar brosleg þar sem hann var reiðubúinn að þiggja greiðslu frá þriðja aðila til þess að losna undan fangelsi, með því er hann í raun orðinn atvinnumótmælandi á launum.