Atvinnumótmælendur á útsölu

Sá ánægjulegi atburður átti sér stað í dag að nýr meirihluti tók við völdum hér í Reykjavík.  Meirihluti sem mun láta verkin tala og hefur nú þegar gert með því að lækka fasteignaskatt sem allir borgarbúar njóta góðs af, einnig hefur meirihlutinn gert með sér sterkan málefnasamning borgarbúum til hagsbóta.  Meirihluti Frjálslyndra og Sjálfstæðisflokks mun verða dæmdur af verkum sínum alveg eins og allir aðrir meirihlutar sem stýrt hafa borginni í gegnum tíðina.  Þess vegna getur það verið hvimleitt að heyra hve harða sleggjudóma margir fjölmiðlamenn eru tilbúnir að halda á lofti bæði í garð nýja meirihlutans sem og einstakra aðila sem eru innan hans. 

Því miður ákvað fámennur hópur að setja svartan blett yfir annars góðan dag fyrir okkur reykvíkinga.  En hugsanlega má finna skýringu á því að atvinnumótmælendur hafa verið á útsölu og það líklega með 80% afslætti.  Eins og einn viðmælandinn á Bylgjunni sagði í dag "þeir geta ekki verið uppá Kárahnjúkum því það er svo kalt þar á þessum árstíma".  Það sem var svo sorglegt við mótmælin í ráðhúsinu um hádegisbilið er hve ómálefnaleg þau voru og ekki þótti mér merkileg framkoma þeirra oddvita sem reyndu eftir fremsta megni að æsa hópinn.   Reyndar skaut það upp í huga mér hvenær löngufrímútur yrðu búnar í fjölbrautaskólunum í greindinni.  Það má með sanni segja að þetta hafi verið hávær 100 manna hópur sem gerði það að verkum að þeir sem áhuga höfðu á að fylgjast með framgangi fundarins gátu það ekki. 

Vissulega hafa allir rétt á því að mótmæla og oft á tíðum geta mótmæli hreinlega verið skemmtileg en þessi hegðun var hreint til skammar fyrir þennan hóp og þrátt fyrir að ég sé feginn að hann var ekki á pöllunum fyrir þremur mánuðum síðan eða svo þá get ég ekki annað en velt því fyrir mér hvers vegna þau voru ekki þar?

Ólafur hyggst láta verkin tala

Athugasemdir

[Inga Lára Helgadóttir, 24.1.2008 kl. 22:12]

Já Óttarr minn, mér finnst reyndar framhaldsskólakrakkar sýna yfir höfuð meiri þroska en þetta stjórnlausa hyski sem kom þarna í dag, var sjálfum sér og sínum flokki til mikillar skammar, en það er samt góð hugleiðing hjá þér með frímínóturnar og færslan fekk alveg 10 í einkunn hjá mér

[Gunnar (IP-tala skráð) 25.1.2008 kl. 06:24]

Er þetta Ólafur F. undir dulnefni eða? Mér finnst svona mótmæli mjög kjánaleg en mér finnst jafnvel kjánalegra að kalla svona svik fyrir borgarstjórastólinn einan 'ánægjulegan atburð'.

[Óttarr Makuch, 25.1.2008 kl. 08:40]

Kæri Gunnar,

Eins og ég tala um hér fyrir ofan er ég að tala um nýja meirihlutann í heild sinni ekki einstaka borgarfulltrúa sem að honum koma.

Ég held að fólk muni verða ánægt þegar það sér þau verk sem meirihlutinn mun vinna í þágu borgarbúa. 

[Inga Lára Helgadóttir, 25.1.2008 kl. 18:02]

Það er ótúrlegt Óttarr minn, að þegar þeir töpuðu stólnum núna í vikunni, þá er það eitthvað ósanngjarnara en þegar Villi var felldur, ég sé ekki samhengið í því. Mér finnst þessi færsla hans Gunnars ekki svara verð

Kveðja til þín Óttarr minn,

Inga Lára.