Tiger Woods, Heiðar Davíð, Steve Flesch, Mark Foster og Birgir Leifur varið ykkur því

 

Já nú er maður að komast í atvinnumennskuna í golfinu - ekki spurning, fór á hreint frábært námskeið í dag sem stóð í 5 klukkustundir hérna í garðinum heima hjá mér þ.e í Básum hjá Golfklúbbi Reykjavíkur.  Það er því ljóst að Tiger Woods, Heiðar Davíð, Steve Flesch, Mark Foster og Birgir Leifur þurfa að fara vara sig því "I will be there" eftir nokkra áratugi

Námskeiðið var á vegum ProGolf (www.progolf.is) sem býður uppá metnaðarfull og vel skipulögð námskeið fyrir byrjendur sem og lengra komna á öllum aldri.  Í hópnum í dag voru fjórar konur og tveir karlar, sumir höfðu aðeins snert kylfurnar en aðrir tóku plastið af þeim á staðnum!  Þarna vorum við og fengum leiðsögn frá sjálfum skólastjóra ProGolf skólans.  Greinilega vanur kylfingur þar á ferð sem kunni ákaflega vel til verka, þrátt fyrir að vera kenna mis þrjóskum byrjenda kylfingum þá tókst honum verkið ákaflega vel.  Ólafur Már kenndi okkur allt á milli himins og jarðar, hvernig við áttum að standa, sveifla og það mikilvægasta að gera holu í höggi.  Sem ég var reyndar svo heppinn að ná..... reyndar bara í púttinu en það hlítur að teljast með   Eftir frábært fimm tíma námskeið sem leið eins og um eina klukkustund væri að ræða get ég óhikað mælt með námskeiðum á vegum ProGolf og ég hvet alla til þess að skoða heimasíðuna þeirra og námskeiða framboðið sem þeir hafa uppá að bjóða.

Nú er bara að pússa settið fyrir morgundaginn því stefnan er tekinn á að slá a.m.k. 300 kúlur á dag næstu vikuna - spurning hjá hvaða stofnun maður færi lögheimilið sitt

Athugasemdir

[Halldór Sigurðsson, 23.9.2007 kl. 14:42]

Er par vallarins 300 kúlur ?

[Óttarr Makuch, 23.9.2007 kl. 16:33]

Haha, segðu án efa ekki langt frá því - allavega þegar maður er í Básum