Leita í fréttum mbl.is

Munu flugmálayfirvöld ekki gera ástandsskoðun á vélum Iceland Express?

Í fréttatilkynningu frá félaginu segir að farþegarnir hafi fengið regluleg smáskilaboð um stöðu mála og nógan mat og drykk meðan þeir hafa þurft að bíða. Það verður áhugavert að heyra hlið farþeganna af þessum upplýsingum og kræsingum.

Iceland Express hefur áður sagt svipaða sögu án þess að nokkurt sannleikskorn sé fyrir því og þegar farþegarnir hafa sjálfir tjáð sig þá hefur allt önnur saga komið í ljós.

Hverjum skyldi þessi töf vera um að kenna??


mbl.is Vél á leiðinni að sækja farþegana
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Það sorglega er að íslensk flugmálayfirvöld hafa akkúrat ekkert um Astreus að segja. Iceland Express er bara farmiðasala sem leigir flugvélar af bresku flugfélagi. Íslendingum gengur alveg hörmulega að skilja þessa staðreynd. Iceland Express hefur ekki einu sinni ferðaskrifstofuleyfi, heldur var stofnað enn eitt skúffufyrirtækið utan um það. Expressferðir. Öll uppbygging þessarar svikamyllu er markvisst sett upp til að forðast ábyrgðir. Hvers vegna heldur fólk að IE geti endalaust kennt öðrum um? Það er vegna þess að það eru ,,aðrir" sem sjá um alla starfsemi þessa ,,draumafyrirtækis".

Sigurður (IP-tala skráð) 7.8.2011 kl. 19:29

2 Smámynd: Óttarr Makuch

Flugmálayfirvöld hér á landi hafa heimildir til þess að framkvæma skyndiskoðanir og kanna flughæfi þeirra sama um hvort sé að ræða íslenskt flugfélag eða erlent. Nú þegar hver vélin á fætur annarri á vegum Iceland Express hefur bilað og jafnvel verið kyrrsettar eins og dæmin sanna. Þá hlýtur það að vera orðið aðkallandi að yfirvöld fari í málið farþegum til heilla, áður en stórslys verður....nema sú regla gildi að vera bara blindur þangað til eitthvað gerist.

Óttarr Makuch, 7.8.2011 kl. 19:41

3 identicon

Það er því miður þannig með Flugmálastjórn Íslands að hún er gersamlega bitlaust verkfæri. Vissulega hefur hún heimildir til skyndiskoðana, í anda SAFA skoðana EU, en mér vitanlega hefur aldrei sést maður frá FMS um borð í erlendu loftfari á Íslandi nema til hátíðlegrar móttöku. FMS er meira fyrir að stunda vakt á Bakkaflugvelli um verslunarmannahelgi, og þessháttar sem er einfalt í framkvæmd og kostar ekki mikið vesen fyrir starfsfólkið.

Sigurður (IP-tala skráð) 7.8.2011 kl. 19:50

4 Smámynd: Erlingur Alfreð Jónsson

Þarna fer Sigurður með rangt mál vísvitandi. FMS hefur ekkert með hátíðlegar móttökur að gera. Þá er reglulega gerðar SAFA skoðanir á erlendum loftförum á Íslandi eins og annars staðar í Evrópu.

Ég tek hins vegar undir orð hans um svikamylluþefinn af IE. ÞAð þarf þó ekki að koma á óvart enda var/er aðaleigandi Astreus og IE útrásarmógúllinn Pálmi Haraldsson.

Erlingur Alfreð Jónsson, 7.8.2011 kl. 20:35

5 identicon

Erlingur, hvað hefurðu fyrir þér að FMS sé að framkvæma SAFA skoðanir? Síðasta sem ég heyrði var að þeir hefðu gert 2 skoðanir síðasta árið og hvorug þeirra hjá Astraeus. Sel það ekki dýrara en ég keypti það... Væri fróðlegt að sjá tölfræði um þessi mál frá FMS. Þeir ættu ekki að vera feimnir við að framkvæma svona skoðanir, hafa fulla heimild til þess og íslensk félög eru reglulega skoðuð þegar vélar þeirra lenda á evrópskum völlum...

Kjartan (IP-tala skráð) 8.8.2011 kl. 00:13

6 Smámynd: Jón Svavarsson

Ég myndi spyrja að ýmsu öðru áður, íslensk yfirvöld eru búin að undirgangast því líkan frumskóg af "Evrópu reglugerðum" að þeir vita stundum ekki hvort þeir eigi að stíga í vinstri eða hægrifótinn fyrst. Við höfum orðið þeirrar ógæfu að fá allar þessar reglugerðir yfir okkur að allt er svo þungt í vöfum og engin veit orðið neitt. Þess vegna eru flugvélar í notkun á íslandi á Bandarískum skráningum í meira mæli en nokkru sinni, því þar eru þeir með þetta á skynsamlegum nótum enn og ekki ,eð reglugerð á reglugerð fyrir reglugerð!

Svo er það ekki sanngjarnt að ráðast eingöngu á Asterus, þrátt fyrir eignarhaldið, en markvist eftirlit á sanngjörnum nótum er mikilvægt, því hvergi á að slaka á öryggiskröfum og það er augljóst að flugmennirnir brugðust vel við eldboðum um borð, þó falsboð væru, og lentu á næsta mögulega flugvelli ! :-) Engin hefur minnst á það !

Jón Svavarsson, 8.8.2011 kl. 12:50

7 identicon

Ég er sammála Jóni að menn brugðust rétt við þessum boðum. Ekki misskilja mig, mér finnst hins vegar rétt að FMS geri þessar SAFA skoðanir hérlendis, ekki bara hjá Astraeus, heldur stikkprufur á öllum helstu flugrekendum sem fara hér um, og eru þeir orðnir nokkuð margir eins og sjá má á www.kefairport.is, íslenskum flugrekendum er ekki hlíft við þessu á erlendri grundu...

Kjartan (IP-tala skráð) 8.8.2011 kl. 18:57

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Óttarr Makuch
Óttarr Makuch

ottarr@centrum.is

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband